Fyrsta bloggfærsla ársins

Jæja...ég játa það...ég er ekki duglegasti bloggarinn í bænum...:o/

Vinnan er nú heldur betur búin að ráða ríkjum þennan fyrri hluta janúar. Enginn hádegismatur...og heimavinna... en nú sér maður fyrir endann á þessu öllu saman.

Helst í fréttum... prinsessan ryður niður tönnum...komnar fjórar í efri góm, tvær í þann neðri. Svo er hún búin að vera veik síðan á laugardag, hiti og slappleiki. Hélt að það væri einhver fylgifiskur tanntökunnar, en það eru útbrot víst ekki, og því er plönuð ferð á heilsugæsluna á morgun...

Ég gleymdi nú náttúrulega að taka það fram í uppgjöri árs 2005...að ég auðvitað tók bílpróf...sem fyrir utan fjölgun mannkyns, var það markverðasta sem ég gerði á seinasta ári.

Annars er þetta á döfinni:

Janúar: myndataka með prinsessuna, á heitustu ljósmyndastofu bæjarins, brosbörnum.
Kristjanan mín á afmæli
Ingi mágur minn á líka afmæli

Febrúar: Dale Carnegie námskeið
Bumbukrúttið í Grafarvoginum kemur loks í heiminn

Mars: Moi meme á Afmæli :o) ...planið ekki komið mikið lengra en það...

Ég verð að vinna áfram í Hreyfingu, sem er að sjálfsögðu yndislegasti staðurinn til að vinna á...

og já...ekki horfa á "how clean is your house" á meðan þið borðið ...""æl""


En börnin góð...verið góð við hvort annað...ekki segja "á morgun" því tíminn líður skuggalega hratt. Janúar er að verða búinn!

Over and out
Ingidór

Nú árið er liðið í...

Gleðilegt ár og takk fyrir það gamla :)

Árið sem liðið er var það besta sem ég hef átt.

Það sem stendur upp úr er m.a. það að ég eignaðist fullkomið og yndislegt barn, sem lét þó bíða eftir sér, og kom ekki fyrr en 15 dögum á eftir áætlun. Á sumardaginn fyrsta skírðum við hana og eins og glöggir kannski vita, nú þá heitir hún Ragna Bjarney, og er langt um það besta sem nokkurntímann hefur komið fyrir mig.

Við ákváðum svo í júlí að skella okkur á Selfoss, þannig að Hjaltabakkinn...með glænýuppgerðu baðherbergi, var seldur á uppsprengdu verði, og falleg íbúð á fjórðu hæð keypt í sveitinni. Hefði ekki trúað því, en það er yndislegt með meiru að búa hér, og erum við öll hamingjusöm hérna.

Annars að öðru leiti var þetta frekar viðburðarlítið ár, byrjaði svo aftur að vinna í október, sem var yndislegt, gott að komast aftur á meðal fólks. Prinsessan og pabbin á meðan bara í góðu yfirlæti heima.

Nóg að gera hjá vinum okkar, nokkrar vinkonur áttu börn, aðrir settu í ofninn ;) sum ákváðu að flytja til útlanda, en ákváðu svo að flytja heim :) svo voru útskriftir og margt fleira.


Næsta ár veður svo vonandi eins gott.

Það fæðist barn í febrúar, annað í apríl, það þriðja og fjórða sennilega í maí.
Ég verð 25 ára...nokkuð gott það...í mars
Ég á 3 ára brúðkaupsafmæli...(og 7 ára samveruafmæli)...í apríl
Dóttir mín verður ársgömul...í apríl
Gilsi bróðir verður 30 ára ... í maí
Vonandi náum við að skella okkur erlendis einu sinni á árinu

Jæja...Ég vil þakka fyrir allar kveðjurnar og hamingjuóskirnar á árinu. Megi árið sem kemur fara vel með ykkur. Takk fyrir lesturinn á blogginu mínu

Kv
Inga :o)