eitt lítið jólablogg...svolítið jólablogg ;)

Mikið ofboðslega er Reykjavík skelfilegur staður á þessum árstíma... ógeðis umferð, allir staðir troðfullir af fólki sem heldur að það eigi heiminn... og tillitsleysi í botni... jólastreytan í algleymi...

En það er sko ekki jólastress á þessu heimili, erum búin svo gott sem að öllu, jólakortin fóru í póst í dag (þessi sem ég ber ekki sjálf út), allar jólagjafirnar í höfn, húsið hreint og skreytt og kallinn kominn í frí :)

Nú er bara eftir að dundur við að pakka gjöfunum inn, og kannski smá bakstur... allavega bananabrauð og sinna börnunum ...jú og útdeila nokkrum pökkum :)

Við litla fjölskyldan ætlum að eyða jólunum í fyrsta skipti ein...þ.e. ekki heima hjá mömmu og pabba í fyrsta skipti :) ...erum ennþá að velta því fyrir okkur hvað við eigum að hafa í matinn, en kengúra kemur sterklega til greina, en við sjáum samt til :)

Við uppgötvuðum fyrstu tönnina hjá unganum í gær... alvöru vopn þar... og notað óspart ;) ...ekki samt ennþá á mig... 7. 9. 13 ;) Börnin voru svo í fyrsta skipti í pössun á laugardagskvöldið, þ.e. við fórum í fyrsta skipti bæði frá þeim.. og að sjálfsögðu gekk það vel, á meðan við hjónakornin skelltum okkur á Geysi í jólahlaðborð voru ma og pa hér heima að passa :)

Annars er ég svo freðin í hausnum... fór ekki að sofa fyrr en 4 í fyrri nótt... eftir að hafa klárað öll jólakort og pakka sem áttu að fara í póst, og eftir að hafa hjálpað jólanum aðeins með skóinn ;) ...ég ætla því að láta þetta duga í bili...

Knús frá mér og afganginum af mér ;)

Inga