einstæð móðir part two ;)

Þá er vika 2 byrjuð... af sex... og so far so good.

Þetta hefur gengið nokkuð vel og börnin mín eru góð og fara að sofa á réttum tíma á kvöldin, sem er það sem ég kveið mest fyrir.

Heimir er mjög ánægður með vistina enda er tekið á öllu þar, hvort sem það tengist bakinu, bumbunni eða sálartetrinu :) Erfiðast fyrir hann er þó að vera í burtu. Það munar miklu að fá hann heim um helgar, og hann hefur líka "stolist" heim 2 kvöld síðan hann fór, sem er mjög ljúft.

Við Þorgils Bjarki förum í göngutúrinn okkar eftir að við erum búin að labba með Rögnu á leikskólann. Við förum svo líka í stuttan túr áður en við sækjum skvísuna aftur, og aðeins eftir líka. Við erum voða dugleg að fara út þó að veðrið hafi nú ekki verið upp á marga fiska, rigning og rok, en það er búið að vera svo hlýtt að það hefur verið yndislegt :)

Kúturinn hennar Tinnu dafnar vel að mér skilst og fékk hann nafnið Kristinn Asael á miðvikudaginn 5 sept, en þá hefði Þorgils afi átt afmæli, mamma og pabbi áttu brúðkaupsafmæli og Tinna og Gilsi voru bæði skírð þann dag... ss stór dagur :) Ég er búin að hitta hann allt of lítið, en ég vil ekki fara alveg strax með Rögnu þangað, þar sem leikskólahorið er landlægt í nebbanum hennar :)

Framundan... rólegheit aðallega, ekkert merkilegra :)

Annars læt ég þetta innihaldslausa blogg duga og því bið ég að heilsa ykkur í bili...

kv
Ings